- og song av Fjordingane på laurdagen..

Singing in the City 2010

Neste helg skjer noko rart. Me er bedne å vera med på Singing in the City - igjen! Kven skulle ha trudd det? Vel, me takkar hjarteleg for invitasjonen, og me vil vidare invitera alle slags menneske til å koma på Singing in the City i IMI Forum, Stavanger, 12.-14. februar 2010. Me skal delta på følgjande konsertar laurdag 13. februar:

• Kl. 15:30, Gratiskonsert
• Kl. 19:00, Kveldskonsert
• Kl. 22:00, Ungdomskonsert

Konsertpass kostar kr. 700,- og gjev deg tilgong til heile helga, mens dagsbillettane kostar kr. 350,-. Konsertpass må kjøpast hjå Bok&Media, mens dagsbillettane kan kjøpast på Billettservice.no.

Les ellers meir om arrangementet på Singing in the City sine eigne heimesider.

Solåsen Bibelcamping

Den tredje langturen vår i år (utanom Flekkefjord, som jo óg er litt utføre vårt aksjonsområde..) enda opp på Solåsen Leirplass, i eit lite søkk, attmed skogen, mellom åkrane, midt mellom Larvik og Sandefjord. Det kan somme stunder vera krevjande for oss fjordingar å koma ut i nye dalføre med ukjende målføre. Men møtet med austlendingane gjekk strålande, og når sjølv danskane kom på talefot, forstod me at dette måtte gå bra! Og det trur eg det gjorde, me fekk treffa mange kjekke folk, sjølv om det kanskje var få folk på Bibelcamping denne GeneralForsamlingshelga. Men folk var det mange av på laurdagskvelden, med Kveldingar, Hvarnesingar og andre meir eller mindre lokale austlenderar på plass for å høyra Guds Ord, og for å syngja om Jesus.

Ein stor parameter i trivselsfaktoren på Solåsen er sjølvsagt den halve, Veritasgodkjende, plastrøyren som ligg oppetter skråningen attmed campingplassen her. Og det at kun ein av tri gassvarmarar virka gjorde opplevinga enn kjekkare for oss på-sjåarane. Programbladet for Bibelcampen skryt på seg at dette er NLM's sprekaste vatnssklie.. Og eg trur me langt på veg kan flokka henne inn under topp 10 i Noreg, utan at eg har undersøkt dette svært nøye. Ho er iallefall 60 meter lang, og har ein betydeleg høgdeforskjell..!

Men tida går fort, og denne helga er óg over, og sommarferien er eit fakta for fjordingane. Litt godt, men litt trist på same tida, det er kjekt å syngja ilag, spesielt på slike fine arrangement som bibelcamping på Solåsen er.

I slutten av august skjer det fleire spanande ting. Evangeliske Songar i Sør, ESiS, skal haldast laurdag 29. august. Det vert nok óg litt andre forhold enn me er vande med inne i dei trygge fjordane. Der skal me syngja med oss sjølve, men óg skal strengespelarane våre spela under for eit barnekor, Juniorgruppa frå Lura.. Så det ser me fram til med spenning!

Romsdalsturné

No skjer det snart, om ei knapp veke legg me bak oss dei trygge Ryfylkefjordane, og vågar oss ut i verda. Romsdalsturnéen står for døra og bankar. Dei to mest priviligerte pakkar strenge- og dragspel i bilen og rullar nordover på Autobahn á la Norvège, mot uendelege bakkar, u-svingar rundt kvart hjørna, kilometerlange bobilkøar, fossar, dalar og fjordar, og nytt ferjesamband kvar 2. mil.. Ca.

Resten av gjengen, pluss eitpar koner, tek kortaste veg mellom A og B, luftvegen. Og det er forsåvidt greit. Litt mykje med 1 kontrabass, 3 gitarar, 1 banjo, 1 mandolin, 1 toradar, 4 munnspel, 9 menn og 2 koner i ein Toyota Camry, om han er aldri så mykje stasjonsvogn..

For vår del startar helga med songkveld på Vestnes Bedehus, laurdag 20. juni kl 19:00. Det vert song, vitnesbyrd, og mat for både kropp og sjel. Ta gjerne med heile nabolaget og kom!

Fjordingane avanserer

Velkomne til Fjordingane på verdsveven.

"Eg ska få deg te å fatta- alt bler enklare me datta!" ~Brakkvald Tolvstøkkje

Her kan de følgja med på kvar me skal syngja i framtida.